Undirbúningur hafinn fyrir Þjóhátíð 2009

Þegar góða hátíð skal halda þá er nauðsynlegt að leggja mikla vinnu í undirbúning svo flest allt gangi smurt fyrir sig. Þess vegna er vinna í þjóðhátíðarnefnd mikil og stór hluti af árinu fer í fundi, vinnu í dalnum og viðræður við hagsmunaaðila í góðan tíma fyrir hátíð.

Tillögur:

Þjóðhátíðarnefnd leggur mikið uppúr samráði við gesti hátíðarinnar og fjölmargar tillögur berast á hverju ári um það sem betur má fara og allar nýjungar sem tengjast slíkri hátíð.

Því er gott fyrir gestina að hafa samband í tíma og bera upp slíkar hugmyndir til að hægt sé að vinna þeim brautargengi.

Hægt er að senda póst á [email protected] með athugasemdir, tillögur og allt sem tengist þjóðhátíð á einn eða annan hátt.